दार्जिलिङ, २४ अगस्तः वर्ष २०२२ को साहित्य अकादमी युवा पुरस्कार रोशन राई ‘चोट’– ले प्राप्त गरेका छन् । सन् २०२१ मा प्रकाशित कविता सङ्ग्रह ‘देशको अनुहार’-का राईलाई साहित्य अकादमी युवा पुरस्कार प्रदान गर्ने घोषणा गरिएको छ ।
आज २३ वटै भाषाका लागि साहित्य अकादमी युवा पुरस्कारको घोषणा गरिएको छ । जुरीमा चन्द्र कुमार राई, मिना सुब्बा र इन्दु प्रभा देवी थिए।
१४ जून १९८८ -मा महलदीराम चियाकमानमा जन्मेका रोशन राई चोटका अहिलेसम्म आफ्नै पीडाहरू (गजल सङ्ग्रह २०१७) र देशको अनुहार (कविता सङ्ग्रह) गरी दुईवटा कृति प्रकाशित छन् ।
यस अतिरिक्त रोशन राई ‘चोट’-ले केही पत्रिका पनि सम्पादन गरेका छन् ।
