कालेबुङ, ८ सेप्टेम्बर : राष्ट्रिय राजमार्ग – १० मा आज बिहान एक वाहन दुर्घटना हुँदा चालक घाइते भएका छन्, जसलाई उपचारका लागि सिक्किमको सिङताम अस्पताल पठाइएको छ ।
रम्फू पुलिस सूत्रका सिलगढीबाट सिक्किमतर्फ गइरहेको एसके ०१ पी ८८१४ नम्बरको बोलेरो गाडी रम्फू थाना अन्तर्गत १० माइल मङ्चु फरेस्ट बस्ती छेउ गन्टे गोलाइमा दुर्घटना हुँदा चालक टाशी छिरिङ भोटिया घाइते भएका हुन् ।
जानकारीका अनुसार वाहन मूल सडकबाट करिब ३०० फुट तल खसेको थियो ।
घटनाको सूचना पाएलगत्तै रम्फू थानाका पुलिसकर्मी र टिस्टा रङ्गीत उद्धार केन्द्रका सदस्यहरूले तत्काल उद्धार कार्यमा जुटेका थिए ।
उनीहरूले चालकलाई उद्धार गरी उपचारका लागि सिङताम अस्पतालमा पठाएका हुन् ।
