सिलगढी, १८ अक्टोबर : बाघ पुलबाट खसेर सिक्किमका एक २६ वर्षीय युवकको मृत्यु भएको छ । यो घटना आज अपराह्न करिब ४ बजे भएको हो ।
माङ्पाङ पुलिस थानाका ओसी हिमाद्री डोग्राले बताए अनुसार ती युवकले आत्महत्या गरेका हुन् । पुलिस अधिकारी डोग्राका अनुसार युवकको नाम कर्म वाङ्चुक गुरुङ हो । उनी पूर्व सिक्किमको तादोङनिवासी हुन् ।
पुलिसले थप जानकारी गराएअनुसार ती युवक केही समयदेखि सिलगढी बस्दै आएका थिए ।
पुलिसले शवलाई आफ्नो अधीनमा लिएर पोस्टमर्टमका लागि मालबजार अस्पताल पठाएको छ भने युवकका आफन्तहरूलाई पनि खबर गरेको छ।
