गान्तोक, १८ फरवरीः भीम रावत चौथोपटक प्रेस क्लब अव् सिक्किमका अध्यक्ष निर्वाचित भएका छन् ।
उनले आफ्ना प्रतिद्वन्द्वी धनमाया न्यौपानेलाई ३१ मतले पराजित गरी प्रेस क्लब अव् सिक्किमका अध्यक्ष निर्वाचित भएका हुन्।
रावतले कुल ७४ मत प्राप्त गरे भने धनमाया न्यौपाने पक्षमा ४३ मत खसेको थियो ।
विभिन्न समाचार पत्रमा लामो समयदेखि आबद्ध रहेका रावत सिक्किमकै एकजना वरिष्ठ पत्रकार अनि चर्चित व्यङ्ग्य लेखक हुन् । उनी साप्ताहिक समाचार स्वतन्त्र मञ्चका सम्पादक-प्रकाशक पनि हुन् ।
यसभन्दा अघि भीम राव २०११-१३, २०१३-१५ र २०१५-१७ सम्म लगातार तीनपटक अध्यक्ष चुनिएका थिए ।
प्रेस क्लब अव् सिक्किमका कार्यप्रणालीको पारदर्शिता र सबै पत्रकारहरूलाई एकमुष्ठ समेटेर अघि बढ्ने कार्यमा भीम रावत लोकप्रिय छन् ।
