सिलगढ़ी, 10 सेप्टेम्बर : सिलगढ़ीमा लाखौं रुपियाँको चोरी भएको घटना प्रकाशमा आएको छ। यो घटना सोमवार बिहान प्रकाशमा आएको हो। घटनाअनुसार स्थानीय महावीरस्थानका सातवटा दोकानमा चोरी भएको छ। यो चोरीको कारण यी सात पसलकामालिकहरूले समग्रमा लाखौं रुपियाँ गुमाएका छन्।
सोमवार बिहान यो घटना प्रकाशमा आएपछि शहरमा सनसनी मच्चिएको थियो। पुलिस घटनाको जाँचमा जुटेको छ। आइतवार राति सातैवटा दोकानको सिलिङ भत्काएर चोरी गरेको बताइएको छ।
चोरी भएका दोकानहरूमा गिफ्ट दोकान, पान दोकान, टीनका वस्तुहरूको दोकान आदि दोकान सामेल छन्।
केही समययता शहरमा चोरीको घटना बढ़ेपछि व्यापारीहरूले असुरक्षित महसुस गर्न थालेका छन्।
