खरसाङ, १६ मार्च : साइमन सेवा साङ्गीतिक यात्रामा बाबुको पाइला पछ्याउँदै हिँड़िरहेका बाल प्रतिभा। ‘मेलोडियस’ भोइसका लोकप्रिय गायक महेश सेवाका प्रतिभाशाली सुपुत्र। उज्यालो सम्भावना बोकेका तीक्खर गायकी भएका बाल प्रतिभा।
यिनै प्रतिभा साइमन सेवा कलर्सको रियालिटी शो राइजिङ स्टारमा पुगेका छन्। कोलकाताबाट छनौट भएर मुम्बई पुगेका साइमनको आज राति ९ बजे प्रस्तुति छ। प्रस्तुति भइरहेको समयमा लाइभ भोट दिएर साइमनको सफलताका लागि सहयात्री बन्ने महेश सेवाले सबैलाई अपील गरेका छन्।
साइमनले गाइरहेको समयमा नै भोटिङ गरे मात्र त्यो मान्य हुने पनि उनले बताएका छन्। भोटिङका लागि VOOT AAP डाउनलोड गरी भोट गर्नसकिन्छ।
राष्ट्रियस्तरको रियालिटी शोमा साइमनको यो दोस्रो सहभागिता हो। यसभन्दा अघि जीटीभीद्वारा सञ्चालित सारेगमपा लिटल च्याम्प्समा साइमन शीर्ष १२ मा पुगेका थिए।
यता साइमनले पनि भोटिङका लागि अपील गरेका छन्। माया र प्रेरणास्वरूप गरिएका एकेक भोटले आफ्ना लागि ऊर्जा र उत्साह बढ़ाउने कार्य गर्ने साइमनले बताएका छन्।
“तपाईंहरूको माया र आशीर्वादले म राइजिङ स्टारको भोटिङ राउण्डसम्म पुग्न सफल भएको छु। जसरी तपाईंले मलाई सारेगमपा लिटल च्याम्प्समा सहयोग र माया दिनुभयो, त्यसैरी मलाई यो राइजिङ स्टारमा पनि सहयोग र माया दिनुहुन्छ भन्ने मलाई आशा छ”, साइमनले भनेका छन्, “राइजिङ स्टार शुरुदेखि नै भोटिङ राउण्ड हो। मलाई भोट गर्नका लागि VOOT AAP डाउनलोड गर्नपर्छ। जब आज राति ९ बजे म गाइरहेको हुनेछु , त्यतिबेलै भोट गर्नहोला। मैले गाइरहेको बेला भोट गर्न भए मात्रै मान्य हुनेछ।’’
