दार्जीलिङ, २३ मई : चुड़ान्त परिणाम आउनअघि दार्जीलिङमा भाजपाको विजयी उत्सव शुरु भएको छ। लोकसभा र विधानसभा दुवै चुनाउमा भाजपाका उम्मेदवारद्वय राजु विष्ट र नीरज जिम्बाको जीतमा विमलपन्थी गोजमुमो, गोरामुमो, सुमेटि मोर्चा, भाजपा र गोर्खा लीगलगायत अन्यले विजयी उत्सव मनाउन शुरु गरेको हो।
उनीहरूले यसअवधि व्यापक नाराबाजी पनि गरे। विशेषगरी विमलपन्थी गोजमुमो समर्थकहरूले विमल गुरुङको पक्षमा चर्को नारा लगाए। अर्कोतिर गोरामुमो कार्यकर्ताहरू पार्टीको मुख्य कार्यालयमा भेला भएर विजयी उत्सव मनाउन भेला भइसकेका छन्।
कालेबुङमा पनि भाजपालाई समर्थन जनाउने दलहरूले विजयी उत्सव मनाउन शुरु गरिसकेका छन्। सिलगढ़ीमा पनि भाजपाको जीतमा विजयी उत्सव मनाउन शुरु गरिएको छ।
