सिलगढ़ी, ३ जुलाई : बुधवार बिहानै ‘कट मनी’-ले सिलगढ़ीको माहोल तनाउपूर्ण बन्यो। स्थानीय घोगोमाली क्षेत्रमा स्थानीय व्यापारीहरूले तृणमूल पार्षद् रञ्जनशील शर्मामाथि ‘कट-मनी’-को आरोप लगाउँदै अनिश्चितकालीन बन्दको घोषणा गरेका छन्।
यसका साथै उनीहरूले आज तृणमूल पार्षद् शर्माविरुद्ध विरोध प्रदर्शन गर्दै सड़कबीचमा टायर जलाएर आफ्नो आक्रोश पोखे। उल्लेखनीय छ, पछिल्ला केही दिनयता ‘कट-मनी’-को मुद्दामा तृणमूल कङ्ग्रेसका नेताहरू नराम्रो गरी फँसिरहेका छन्।
शर्मा सिलगढ़ी नगरनिगमको ३७ नम्बर वार्डका तृणमूल पार्षद् हुन्। यी तृणमूल पार्षद्ले स्थानीय पसलेहरूबाट कथित रूपमा हप्ता उठाएको उनीहरूको आरोप छ।
