सिलगढ़ी, 4 जुलाई : दोस्रो स्वतन्त्र दिवस स्वर्ण कप फुटबल प्रतियोगिता आगामी 21 जुलाईदेखि शुरु हुनेछ। प्रतियोगिताका सबै खेल सालुगढ़ास्थित जोयधार रोय स्कूल मैदानमा खेलिनेछ।
बिहीबार स्थानीय जर्नलिस्ट क्लबमा एक पत्रकार सम्मेलनको आयोजन गरी आयोजन आयोजक नेत्रबिन्दु सङ्घका पदाधिकारीहरूले प्रतियोगिताको खेलसूची सार्वजनिक गरे। उनीहरूका अनुसार प्रतियोगिता आउँदो 21 जुलाईदेखि शुरु हुनेछ।
प्रतियोगितामा कुल 18 दलले अंशग्रहण गरेका छन्। प्रतियोगितामा अंश ग्रहण गर्ने प्रमुख दलहरूमा भूटाङ, नेपाल, सिक्किम, मुम्बई इन्जियर्स र गोर्खा राइफल्सलगायत अन्य छन्।
प्रतियोगिताका विजेता दलले 2 लाख र उपविजेता दलले 1 लाख प्राप्त गर्नेछन्। यसका साथै प्रतियोगितामा सर्वोत्कृष्ट प्रदर्शन गरी म्यान अफ् द टुर्नामेन्ट चयन हुने खेलाड़ीले ब्रान्डेड स्कूटी प्राप्त गर्नेछन्।
