सिलगढ़ी, 6 जुलाई : एक पाँच वर्षे बालिकासँग दुष्कर्म गर्न खोजेको आरोपमा एक युवक पक्रा परेका छन्। यो घटना सिलगढ़ीनजिक फूलबारी-1 नम्बर ग्राम पञ्याचतअन्तर्गत पर्ने शान्तिपाड़ामा घटेको हो।
एनजेपी थाना सूत्रका अनुसार पक्रा परेका युवकको नाम जाहिदुल अली हो। जानकारीका अनुसार घटनाबारे पछिल्लो ४ जुलाईकै दिन एनजेपी थानामा परिवारपक्षले आरोपी युवक जाहिदुल अलीविरुद्ध प्राथमिकी दर्ता गरेको थियो।
यसका साथै त्यसै राति स्थानीय मानिसहरू एवं परिवारपक्षले एनजेपी थाना घेराउ गरी आरोपी युवकलाई यथाशीघ्र पक्राउ गरी फाँसीको सजाय दिनुपर्ने माग गरेका थिए।
पुलिसका अनुसार घटनापछि भागेका आरोपी युवकलाई आज बिहान पक्राउ गरिएको हो। जानकारीका अनुसार बिहीबार रथ मेलाअवधि स्थानीय मैदानमा खेलिरहेका उक्त बालिकालाई मिठाई दिने लोभ देखाएर घरमा लगी दुष्कर्मको प्रयास गरेका थिए। बालिका चित्कार सुनेर केही महिलाहरू त्यहाँ पुग्दा आरोपी जाहिदुल अली भागेका थिए।
