सिलगढ़ी, 10 सेप्टेम्बर : मङ्गलवार अपराह्न सेवक रोडमा भएको सड़क दुर्घटनामा परी एकजना व्यक्तिले ज्यान गुमाएका छन्। जानकारीका अनुसार सिलगढ़ीतर्फ आइरहेको डब्ल्यूबी एई 6224 नम्बरको होण्डा कार र सिलगढ़ीबाट रम्बीतर्फ गइरहेको डब्ल्यूबी 73-9779 नम्बरको मालवाहक ट्रकमाझ बङ्गाल सवारीनजिक ठक्कर हुँदा होण्डा कारका चालक एवं मालिक प्रतीक कुमार पाल (51) -को घटनास्थलमा नै मृत्यु भएको पुलिसले बताएको छ। मृतक पाल सिलगढ़ी प्रधाननगरनिवासी थिए।
पुलिसका अनुसार वाहनमा पाल एकलै थिए। प्रत्यक्षदर्शीका अनुसार ओभरटेक गर्दा दुई वाहन जोड़ले ठोकिएका हुन्। दुवै वाहन अत्यधिक तीव्र गतिमा थिए। सड़क दुर्घटनाको खबर पाएपछि घटनास्थलमा पुगेको पुलिसले शवलाई आफ्नो कब्जामा लिएर पोस्टमर्टमका लागि पठाएको छ। दुवै वाहनलाई पुलिसले जफत गरी घटनाको जाँच शुरु गरेको छ।
अर्कोतिर, आरोपी ट्रकका चालक दुर्घटनापछि चम्पट कसेका छन्। पुलिसले आरोपी चालकलाई खोजिरहेको छ। यसैबीच मृतकका परिवारले आरोपी ट्रक चालविरुद्ध मुद्दा दर्ता गरेका छन्। पुलिसका अनुसार उक्त आरोपी ट्रक रम्बीको हो।
(विस्तृत समाचारको प्रतीक्षा गर्नुहोला।)
