जोरथाङ, १९ सेप्टेम्बर : बिहीवार पश्चिम सिक्किमको जूममा सड़क दुर्घटना हुँदा एक महिलाको मृत्यु भएको छ। मृतकको नाम साङ्गे डोमा शेर्पा (३७) रहेको बताइएको छ। उनी मूल रूपले दरामदिननिवासी भए तापनि कालेबुङमा विवाह भएकी थिइन्।
जानकारीका अनुसार सोरेङबाट जोरथाङतर्फ आइरहेको एसके ०२ जे ०२०५ नम्बरको कमाण्डर वाहन जूमस्थित सालडाँड़ामा दुर्घटना हुँदा साङ्गे डोमा शेर्पाको मृत्यु भएको हो। दुर्घटनामा परी उनकी छेमा फुर ल्हमु शेर्पा (४९) गम्भीर घाइते भएकी छन्। नाम्ची अस्पतालमा उनलाई भर्ती गरिएको छ।
यसैगरी वाहनका चालक एवं मालिक दावा शेर्पा, टीकाराम प्रधान र गङ्गा शर्मा सामान्य घाइते भएको तथा जोरथाङ अस्पतालमा प्राथमिक उपचारपछि उनीहरूलाई छुट्टी दिइएको बताइएको छ।
