बर्धमान, २८ अक्टोबर : पूर्व बर्धमान जिल्लाको आइतवार राति एक सड़क दुर्घटनामा परी चारजना पुलिसकर्मीको मृत्यु भएको छ। पुलिसका अनुसार ती चार पुलिसकर्मी एक निजी कारमा सवार भई मेमरीबाट बर्धमान फर्किरहेका थिए।
जानकारीका अनुसार राष्ट्रिय राजमार्ग-२ अन्तर्गत पालसित टोल प्लाजानजिक उक्त कार बलुवा लादिएको ट्रकसँग जोड़ले ती चार पुलिसकर्मीको मृत्यु भएको हो। एक पुलिस अधिकारीले बताएअनुसार मृतक पुलिसकर्मी नाम अनुप बाला, विश्वजीत सुमई, बादल सरकार र प्रवीर हाठी हुन्।
