सिलगढ़ी, 6 जनवरीः सोमवार राति सिलगढ़ीमा एक छात्रालाई टोटो चालकले दुष्कर्मको कोशिश साथै कुटपिट गरेको घटना प्रकाशमा आएको छ। पीड़ित युवती मिरिकनिवासी हुन्।
आरोपी टोटो चालक अप्पु सिद्धी (20)-लाई प्रधाननगर पुलिसले पक्राउ गरी आज सिलगढ़ी अदालतमा प्रस्तुत गरेको थियो। आरोपी सालबारीस्थित नयाँ बस्तीनिवासी हुन्।
जानकारीका अनुसार यो घटना हिजो राति सालबारीनजिक घटेको हो। पीड़ित युवती दार्जीलिङ मोड़बाट टोटो चढ़ेर मेथीबारी आफन्तकहाँ गइरहेकी थिइन्।
पीड़िताको बयानका अनुसार उनी टोटोमा एकलै थिइन्। साथै आरोपी टोटो चालक अप्पु सिद्धीले अन्य यात्रुलाई नचढ़ाई टोटो गुड़ाइरहे। त्यसपछि सालबारी पुग्न केही अघि सुनसान ठाउँमा टोटो रोकेर अचानक उसँग दुष्कर्म गर्ने कोशिश गर्यो।
यसको प्रतिकार गर्दा आरोपीले पीड़ितालाई कुटपिट गरेको तथा मार्ने धम्कीसमेत दिएको बताइएको छ। पीड़िताले थप बताएअनुसार जब टोटो चालकले उसँग कुकृत्यका लागि कोशिश गर्न शुरु गर्यो, त्यसैबेला उनले आफ्नी दिदीलाई फोन गरिन्।
त्यसपछि आरोपीलाई उनलाई समातेर गम्भीर परिणाम भोग्ने धम्की दियो। साथै दुष्कर्मका कोशिश गर्नका साथै कुटपिट पनि गर्यो।
यसैबीच कसैगरी ती टोटो चालकबाट फुत्केर उनले गुहारका लागि चिच्याएपछि उनकी दिदीले आफ्ना साथीहरू लिएर घटनास्थलमा पुगिन्। जानकारीका अनुसार घटनाबारे थाहा पाएपछि आक्रोशित बनेका मानिसहरूले आरोपी टोटो चालकलाई राम धुलाई गरे।
त्यसपछि पुलिस त्यहाँ पुगेर आरोपीलाई पक्राउ गरेको बताइएको छ। यस मामिलामा प्रधान नगर थानामा उजुरी पनि दर्ता गरिएको छ।
जानकारीका अनुसार पीड़िता केही वर्षदेखि पढ़ाइका लागि सिलगढ़ीमा बस्दै आइरहेकी छन्। उनका पिता भारतीय सैनिक हुन्। अहिले उनी जम्मू-कश्मीरमा कार्यरत् छन्।
