ड्रग्ससहित नेपालका दुई नागरिक पक्राउ
सिलगढ़ी, 3 फरवरीः व्यापक मात्रामा ड्रग्ससहित नेपालका दुई नागरिकलाई खोरीबारी पुलिसले पक्राउ गरेको छ। आइतवार दुवैलाई भारत-नेपाल सीमा देवीगञ्जबाट पक्राउ गरिएको बताइएको छ।
देवीगञ्ज पुलिस आउटपोस्टका प्रभारी अशोक अधिकारीले बताएअनुसार पक्रा परेका नेपाली नागरिकका नाम पोष्टबहादुर भुजेल र अर्जुन कालिकाटे हो। दुवै प्रदेश -एक निवासी रहेको पुलिसले बताएको छ।
पुलिस प्रभारी अधिकारीका अनुसार भुजेल र कालिकोटेले बोकेको झोलाबाट व्यापक परिणाममा प्रतिबन्धित नशालु पदार्थ बरामद भएको छ। दुवैलाई पक्राउ गरी खोरीबारी थानामा सुम्पिएको छ।
यस मामिलामा दुवैसँग खोरीबारी पुलिसले थप केरकार गरिरहेको बताइएको छ।
