बुन्दी, 26 फरवरीः राजस्थानको बुन्दी जिल्लमा बुधवार बिहान करिब 10 बजे बस दुर्घटना हुँदा 24 यात्रीको मृत्यु भएको बताइएको छ, जबकि अन्य पाँचजना यात्री गम्भीर घाइते भएका छन्।
यो दुर्घटना कोटा-दौसा मेगा हाइवेमा भएको हो। जानकारीका अनुसार बसमा 30 यात्री सवार थिए।
पुलिसका अनुसार कोटास्थित दादीबारीबाट 30 जना जन्तीलाई लिएर माधोपुर गइरहेको बस कोटा-लालसोट मेगा हाइवेमा अनियन्त्रित भई सोझै नदीमा खस्दा यति ठूलो दुर्घटना भएको हो।
घटनाबारे जानकारी पाएलगत्तै स्थानीय मानिसहरू पहिला उद्धार कार्यमा जुटेका थिए। त्यसपछि उनीहरूले पुलिसलाई घटनाबारे सूचित गरेका थिए।
यसैबीच, गहलोत सरकारले घाइतेहरूलाई तत्काल सहयोग गर्ने निर्देश दिनका साथै मृतकका परिवारलाई दुई-दुई लाख रुपियाँ क्षतिपूर्ति राशि दिने घोषणा पनि गरेको छ।
