कालेबुङ, १७ मार्चः मङ्गलवार करिब ३.३० बजे राष्ट्रिय राजमार्ग १० मा एसके ०१ जे २३७७ नम्बरको यात्रुवाहक सुमो गोल्ड वाहन दुर्घटना हुँदा ५ जनाको घटनास्थलमै मृत्यु भएको छ, जबकि वाहनका चालकलगायत तीनजना गम्भीर घाइते भएका छन्।
मृतकहरूमध्ये तीन महिला र दुई पुरुष रहेको रम्बी थाना सूत्रले बताएको छ। अर्कोतिर घाइते हुनेहरूमा एक नानी रहेको पनि जानकारी पाइएको छ। वाहनमा चालकसहित कुल ८ यात्रु सवार थिए।
रम्बी थाना सूत्रका अनुसार यो दुर्घटना लोहापुलनजिक सुन्तलेमा भएको हो। जानकारीका अनुसार रम्बी थाना पुलिस उद्धारका लागि खटाइएको छ। यो समाचार लेखुञ्जेलसम्म उद्धार कार्य जारी छ।
दुर्घटना परेको वाहन मूल सड़कबाट करिब एक सय फुट तल झरेको छ।
विस्तृत खबरको प्रतीक्षा साँच्नुहोला
