न्युयोर्क, २७ मार्चः कोरोना भाइरसको कारण हलिउड सुपरस्टार मार्क ब्लमको मृत्यु भएको छ। उनी ६९ वर्षका थिए।
मार्कको निधन न्युयोर्कस्थित एक अस्पतालमा उपचाराधीन अवस्थामा भएको हो।
फक्स न्युजको समाचारका अनुसार यी हलिउड स्टारको मृत्युको खबरलाई उनकी पत्नी जैनेट जैरिशले एक ई-मेलमार्फत् पुष्टि गरेकी छन्।
उनका अनुसार मार्कको निधन हिजो भएको हो। उनी स्क्रिन एक्टर्स गिल्ड र एसएजी-एएफटीआरए बोर्डका सदस्य थिए।
मार्क ब्लुम थिएटर र फिल्ममा अतुल्य कामका लागि चिनिन्छन्। उनी अभिनीत नेटफ्लिक्सको वेब सिरिज you धेरै लोकप्रिय छ। यसको दुई सिजन रिलिज भइसकेको छ।
न्युज एजेन्सीहरूको सहयोगमा
