 |
| (प्रतीकात्मक फोटो)। |
सिलगढ़ी, १३ अक्टोबर : शनिवार बिहानै सिलगढ़ीमा भएको सड़क दुर्घटनामा परी एक व्यक्तिले ज्यान गुमाएका छन्। यो घटना स्थानीय झङ्कार मोड़ क्षेत्रमा भएको हो। तीव्र गतिमा कुदिरहेको ट्रकले एक साइकललाई पछिबाट जोड़ले धक्का दिँदा यो घटना घटेको हो।
अनियन्त्रित ट्रकले पछिबाट जोड़ले धक्का दिएपछि साइकलमा सवार ती व्यक्ति उछिट्टिएर ट्रकको चक्कामुनि परेका थिए। जसको कारण ट्रकको चक्काले किचेर ती व्यक्तिको घटनास्थलमै वीभत्स मृत्यु भयो। यद्यपि यो समाचार लेखुञ्जेलसम्म मृत व्यक्तिको परिचय पाइएको थिएन।
पुलिस सूत्रका अनुसार ती व्यक्ति साइकलमा चढ़ेर मतिगढ़ाबाट झङ्कार मोड़तिर आइरहेका थिए। यस्तैमा विपरीत दिशाबाट तीव्र गतिमा आएको ट्रक अनियन्त्रित भएर साइकललाई जोड़ले धक्का दिँदा ती व्यक्ति ट्रकको चक्कामुनि परेपछि घटनास्थलमै मृत्यु भयो।
यो दुर्घटनापछि क्षेत्रको वातावरण केही क्षण तनाउपूर्ण बन्यो। आक्रोशित स्थानीय मानिसहरूले ट्रकलाई तोड़फोड़ गरे। यद्यपि दुर्घटनाको जानकारी पाएपछि घटनास्थलमा पुगेका खालपाड़ा पुलिसले परिस्थितिलाई साम्य बनायो। पुलिसले आरोपी ट्रक चालकलाई पक्राउ गरेको छ।
