कोलकाता, २९ अप्रेलः मानिसहरूको भिड़ देखेपछि सामाजिक दुरी लागू गर्ने कोशिश गरिरहेको पुलिसकर्मीमाथि हमला भएको छ।
यो हमला कोलकातानजिक हावड़ाको टिकियापाड़ामा मङ्गलवार पुलिसमाथि हमला भएको हो, जसमा दुईजना पुलिसकर्मी घाइते भएको बताइएको छ।
आक्रोशित मानिसहरूले पुलिसमाथि ढुङ्गामूढ़ा गरिएको बताइएको छ।
मानिसहरू उग्र बनेपछि पुलिसकर्मी छेवैको टिकियापाड़ा पुलिस चौकीमा शरण लिन बाध्य बनेका थिए। यद्यपि ती मानिसहरूले पुलिस चौकीमा पनि ढुङ्गामूढ़ा गर्नका साथै कम्तीमा दुईवटा पुलिस वाहनलाई क्षति पुऱ्याएका छन्।
उल्लेखनीय छ, हावड़ा कोरोना भाइरसको हट्स्पटको जिल्ला हो। अहिलेसम्म यस जिल्लामा ७९ मामिला प्रकाशमा आएको छ।
अर्कोतिर, क्षेत्रका विधायक एवं राज्यका मन्त्री राजीव ब्यानर्जीले घटनालाई अत्यन्त दुर्भाग्यपूर्ण बताएका छन्। साथै घटनाको जाँच गरिने जनाएका छन्।
