दार्जीलिङ, ४ जूनः हिजो मध्य राति दार्जीलिङ चोकबजारमा अवस्थित एउटा बिल्डिङमा रहेका दुईवटा लुगा दोकान जलेर स्वाहा भएको छ।
दार्जीलिङ नगरपालिकाको एस. बिल्डिङको माथिल्लो तलामा रहेका यी दुईवटा दोकानमा आगो कसरी लाग्यो भन्नेबारे कसैले केही बताउन सकेको छैन। तर आगो लागेर यी दोकानभित्र रहेका सम्पूर्ण सामान जलेको छ।
आगलागी मध्यराति भएका कारण पनि दुवै दोकानमा रहेका एउटै सामान पनि निकाल्न नपाइएको पसलेहरूले बताएका छन्।
यस आगलागीमा लाखौं मूल्य बराबरको लुगा स्वाहा भएको उनीहरूले बताएका छन्।
