म्याड्रिड, २४ जूनः उपाधिका लागि चिर प्रतिद्वन्द्वी रियल म्याड्रिडसँग हेड टु हेड रहेको बार्सिलोनाले आफ्नो घरेलु मैदानमा एथ्लेटिक बिल्बाओमाथि १-० को सङ्घर्षपूर्ण जीत प्राप्त गरेको छ।
क्रोएशेली मिडफिल्डर इभान राकिटिकले खेलको ७१ मिनटमा गरेको एक मात्र गोल बार्साको जीतमा निर्णायक बन्यो। राकिटिक सब्सिट्युट खेलाड़ीका रूपमा मैदानमा ओर्लेका थिए।
यस जीतसँगै बार्सा ३१ खेलमा ६८ अङ्कसहित शीर्ष स्थानमा उक्लेको छ। एक खेल कम्ती खेलेको रियल ६५ अङ्कसहित दोस्रो स्थानमा छ। आज मध्यराति रिलयले सेन्टियागो बर्नबाओमा माल्लोर्काको प्रतिस्पार्धा गर्नेछ।
उल्लेखनीय छ, पछिल्लो म्याचमा बार्सिलोनाले सेभिल्लासँग बराबरी खेलेको थियो। अर्कोतिर बार्सिलोनासँग हारेको एथ्लेटिक बिल्बाओ भने ३१ खेलमा ४२ अङ्कसहित दशौं स्थानमा छ।
